lundi 31 janvier 2011

Urutonde rw’abazajya muri guverinoma ya Kayumba na Karegeya

BURASA Jean Gualbert

Amakuru yizewe agera kukinyamakuru Rushyashya aravugako bamwe mubanyarwanda babaye mubutegetsi bwa RPF bakaza kubuhunga bapanga intambara yo kubuhirika, ibyo bigakorwa muburyo bwa politiki n, imitwe yapolitiki ikorera mubuhungiro n,uburyo bw,intambara kubufatanyije n,umutwe w,ingabo za FDLR ukorera muri congo, bishyize hamwe bakora urutonde rw,abayozi bazajya muri guverinoma izaba iyobowe na Kayumba na Karegeya .Urwo rutonde rwiganjemo abanyapolitiki bo mumashyaka akorera mugihugu nka FDU-Inkingi ,PS Imberakuri na Democratie Green Party ivugwamo abanyamuryango bakuru bahoze muri RPF bakuwe munzego z,ubuyobozi n,abakizirimo bakuwe kubutoni ,ibyo ababiri inyuma n, abasirikare bahoze muri ex.FAR nka Ndengeyinka Bartazar, Col.BEM Habyarimana Emmanuel n,abandi .. bafatanyije n,abanyapolitiki barimo ba Twagiramungu Faustin wahoze mu ishyaka MDR na mugenziwe Rwigema Pierre Celestin bombi babaye ba Minisitiri b,intebe munzibacyuho ,abandi ninka Rusesabagina, Umwami Kigeli wa gatanu Ndahindurwa , John Karuranga ,Sebarenzi Joseph Kabuye wabaye perezida w,inteko ishingamategeko ku itike ya PL,waje guhunga ashaka gukora coup d,Etat afatanyije na ba Gen. Kayumba ndetse na Bizimungu Pasteur wari umaze gushinga ubuyanja nyuma yokweguzwa,umunyemali Kajeguhakwa Valens ,Ntakirutinka charles ufungiye muri gereza nkuru yakigali uri hafi kurangiza ibihano yakatiwe n,abandi.. bahunze gacaca biganje muri Uganda , Kenya ,Marawi n, ahandi muri afrika, umujenosideri Mukezamfura Alfred wayoboye inteko ishingamategeko ubu uri mugihugu cy,ububiligi nabagenzi be babicanyi biganje mu Bubiligi, Ubufaransa n,ahandi hirya nohino nabo bazinjizwa muri iyo guverinoma, Guverineri wa Banki nkuru y,igihugu ngo azaba ari umunyemari Ayabatwa Rujugiro Tribert uheruka gusanga ba Kayumba na Karegeya muri Afrika y,Epfo aho bategurira iyo Guverinoma.

Aba bose ngo bakaba bategereje Guverinomaya Gen. Kayumba na Col. Karegeya , Gahima naTheogene Rudasingwa n, abasirikare bataye umurongo bahoze ari inkotanyi z,amarere nka Major Furuma Alphonsi , ngabo abazaba bari ku isonga mubazaba bagize guverinoma yabo, ari nayo mpamvu muminsi ishize bifatanyije na FDLR igice cya Col .Kabirigi wafunguwe n,urukiko rw,Arusha akaba akorera ibyo bikorwa muri Tanzania gutoranya ingabo za FDLR ngo babone uko bategura urugamba rwihuse rwo gucyura impunzi zose zirimo n,umwami Kigeli wanze gutahuka ,ibyo ngo bikazaba nyuma yo kubohoza igihugu ,imfungwa za politiki n,izaba jenosideri ziri mumagereza hirya nohino,amakuru akavugako hateguwe liste y,abazajya no muzindi nzego z,ubuyobozi n ,abazafungwa bakoranye na Leta ya Perezida Kagame.

Kurundi ruhande ariko Twagiramungu wigeze kwiyamamariza kuyobora urwanda mumatora ya 2003 avugako iyo guverinoma ntayo azi, amaku yizewe akavugako liste yajyanywe mumashyamba ya congo muri FDLR ngo bayumvikaneho babone gufatanya urwo rugamba ,bamazemo igihe kirekire.

Ibyo ariko abazi uko urwanda ruyobowe n,ingabo zarwo bakavugako byaba ari inzozi,kuko umuntu wese washaka gutera u rwanda azahakura isomo atazibagirwa,ko kandi ushoza urugamba atariwe urutsinda ,ibyo abanyarwanda bakaba barabikuyemo isomo muntambara yo kubohaza iki gihugu dore ko yahitanye byishi nabenshi.

Uko itegurwa

Mugutegura iyo ntambara ba Rusesabagina n,abandi bagiye bakora ibikorwa byo guteranya amafaranga(foundraizing) yo guteza umutekano muke mugihugu batera abenegihugu amagurunade, kugira ngo bazabirege leta bavuga ko yananiwe ikwiye kuvaho, Madame VictoireIngabire(ufunze) hamwe n’ishyaka rye rya FDU-Ikingi,niryo ryari ku isonga muri ibyo bikorwa by,ubugizi bwanabi bwari bugamije kuburizamo amatora y,umukuru w,igihugu yabaye kuwa 9 kanama 2010,ariko ntibyatinze kugaragara kuko muri uko kwezi nibwo ibibazo Gen. Kayumba yari yisanganiwe byasandaye ,Kayumba hamwe n’abambari be bafata inzira yo kurwanya Kagame na leta ye , nyuma yo kwanga penetensiya ya FPR , bityo ibirego byari kuregwa Ingabire na FDLR babisangira na Gen. Kayumba hamwe na bagenzi be.

Kugirango basobanurire amahanga impamvu nyayo yiyo ntambara barega Leta ya Kagame igitugu no kwica demokarasi , bakavuga ko bene wabo na Gen. Nkunda (ufunze)hamwe n’abandi banyarwanda bafite icyo bahuriyeho na Gen. Kayumba cyangwa na Col. Karegeya,bahohoterwa,kugirango bategure iyo ntambara bagombaga gukwirakwiza ibihuha by’intambara hirya no hino muri za ambasade, hamwe no mu itangazamakuru bakoresha, bavuga ko Gen. Kayumba yaba yararashwe na leta y, u Rwanda ngo kuko yari agiye gutera u Rwanda afatanyije n’ingabo zahoze ari iza Gen. Nkunda ubu ufungiye i Kami.

Nguko uko baboneyeho umwanya wo kwifatanya na Leta ya Uganda na Africa y,epfo ngo kuko uganda ariyo yarimo gufasha imwe mu nyeshyamba yarwanyaga Kabila yitwaga Gadi, kandi ko uwo Gadi ngo hamwe na bagenzi be bahoze bakorana na Gen Nkunda bagiye gufasha Gen Kayumba gutera u Rwanda, ariko ibi bikaba nta kindi byari bigamije uretse gushaka uburyo hamwe n’ibisobanuro babona nk’impanvu zo gutera u Rwanda, hamwe no gushaka uburyo baruteranya n’ibihugu bahungiyemo ndetse no kwangisha amahanga afasha urwanda agahagarika inkunga agenera u rwanda mubikorwa by,iterambere,kwangisha abanyarwanda Kagame n’isi yose cyane mu rwego rwa diporomasi.

N’ubwo Leta ya Uganda yahise ita muri yombi uwo Gadi u Rwanda rwavugaga ko ariwe ushaka gutera u Rwanda afatanyije naba Gen Kayumba bakaba baranamuregaga guhungabanya umutekano wa Kongo, ntibyatumye Leta y’u Rwanda irebana neza na uganda uretse urwikekwe kumpande zombi no gukwirakwiza ibihuha by’intambara bituruka muri uganda bigamije kwangisha abantu batandukanye abanyarwanda hamwe no gusobanura impamvu ba Kayumba na Karegeya bahunze ,bakaba bakomeje gukora ibikorwa bya politiki mubihugu barimo ari nabo bakekwaho gukora buriya bwicanyi butandukanye hirya no hino mu gihugu(ngo babigereke kuri leta) abantu bose cyane abo mu miryango y’abasirikare bahunze, n’abandi bose baziko bashobora gukekwaho,kurwanya Kagame bari mugihugu imbere ,bene wabo ni inshuti ry’itsinda ryanditse “Rwanda Briefing” aba bose bafite ubwoba,ntawe uzi ibizakurikiraho cyane ko ba Kayumba na Karegeya bategura intambara mu ibanga rikomeye.

Igisubizo

Ngo Nyamwasa yiyita General atari we; Karegeya akiyita Colonel kandi ari rushati: Rudasingwa ngo yigeze guhungira Kenya kubera ubujura: Gahima akaba ashakishwa muri ustralia kubera ububandi nk’ubwo yakoreraga mu Rwanda; Karegeya kandi ngo afite n’ubuhemu bwo kuba yaraburiye Kabuga agacika ! Ngo uko ari bane bifuza yuko abahutu ’abatutsi basubiranamo !

Nyuma y’aho General Kayumba Nyamwasa, Col. Patrick Karegeya, Major Rudasingwa Theogene na Gerald Gahima basohoreye inyandiko ndende inenga Perezida Kagame n’ubutegetsi bwe, banahamagarira abaturage kubuhirika, Brigadier General Richard Rutatina, umujyanama wa Perezida ku bijyanye n’umutekano n’ubusugire bw’igihugu hamwe na Lt.Col. Jill Rutaremara, umuvugizi w’ingabo, nabo bishyize hamwe basohora inyandiko ndende isubiza iyo ya Nyamwasa na bagenzi be, bagaragaza icyo bita ishusho nyakuri y’abo bagabo bane barwanyiriza ubutegetsi bw’u Rwanda mu buhungiro.

Rushyashya irabagezaho iyo nyandiko ya Rutatina na Rutaremara uko yakabaye. Twayibashyiriye mu Kinyarwanda kuko iy’umwimerere iri mu cyongereza. Amagambo tubona tujijinganyaho wayarekeye mu rulimi rw’umwimwerere rw’iyo nyandiko… KOMEZA…

Vuba aha abantu bane bigometse kuri leta, Kayumba Nyamwasa, Patrick Karegeya, Gerald Gahima na Theogene Rudasingwa nk’uko basanzwe bari mu bitangazamakuru bagerageza guharabika guverinoma y’u Rwanda n’ubuyobozi bwayo. Mu nyandiko yabo, iyobya uburari bise “Rwanda briefing”, yasohotse mu itangazamakuru ryandika, abo bantu bane bigometse ku butegetsi(renegades) bagira ibibazo mwihariko w’umuntu (personalize issues) ntibanashobore guhishira ishusho n’imitere yabo nyakuri.

Aba bantu mu nyandiko yabo bagaragaza u Rwanda nka leta inaniwe, iri mu bibazo bikomeye, bakabikora nk’abavugizi b’abahutu. Nk’uko biri mu miterere yabo bariyambaza i n g e n g a b i t e k e r e z o y’amoko(ethnic sentiments) bagamije gucamo ibice abanyarwanda muri za mbaraga zabo bakoresha mu kugerageza gutesha agaciro guverinoma y’u Rwanda mu miryango mpuzamahanga.

Bavuga ibintu uko bitari ntibanashobore kwerekana ukuri gushyigikira ibyo bavuga. Bavuga ibintu,

bagatanga n’ingero zidafite agaciro z’ibibazo biri mu Rwanda biyerekana nkaho baba umuti wabyo, nyamara ntibagaragaze gahunda zifatika zisumbye izo leta y’u Rwanda ifitiye igihugu.

Iyo nyandiko y’abo bantu bane bigometse ku butegetsi irayobya, cyane ku bantu baba batazi neza u Rwanda. Yuzuye ibinyoma, gusubira subiramo ibitari ngombwa, kutagira umurongo, ikanivuguruza ku

buryo ubundi itakagombye no kuba hagira uwayisubiza. Ibyo aribyo byose kubera impamvu zo gushaka kugeza ukuri ku banyarwanda n’abandi mu muryango mpuzamahanga igisubizo kirakwiye.

Ku birebana n’abo bantu bane Igihe yigaga muri kaminuza ya Makerere, Kampala muri Uganda, yageragezaga kubaho mu buzima buhenze kandi nta mikoro ibyo rero byamutwaye mu madeni ( mu myenda) itabarika(high indebtedness). Nyuma rero yacuze umutwe wa kibandi (criminal extortion

operation) aho abaguye mu mutego we yabakoreye blackmail abaha amabwiriza yo gushyira amafaranga kuri konte mu izina rihimbano rya Mr. “REDCOM CX-1200”. Ku bw’amahirwe cyangwa amahirwe make, uwo mushinga wa Theogene w’ubutekamutwe waje gutahurwa ariko hari abo yari amaze uyakuramo.

Ibi byamuviriyemo gutoroka kuri kaminuza, ata amasomo, anatorokera muri Kenya yitwaje ngo abashinzwe umutekano muri Uganda bamugeraga amajanja.

Nyuma y’aho NRA ya Museveni ibohoreje igihugu mu 1986, Rudasingwa, yasubiye muri University ya Makerere avuga yuko yari muri NRA ngo kandi yari umuwofisiye mu gisirikare. Ibi byari ikinyoma kuko atari yarigeze kwinjira mu gisirikare. Igisirikare cya mbere yinjiyemo ni icya RPA mu mpera y’i 1990!

Koko ingeso ishirana na nyirayo(old habits die hard).

Na nyuma y’aho ashyiriwe mu mwanya uteye ishema wo kuba deregiteri wa kabine(Director of Cabinet)

mu biro bya Perezida, Theogene Rudasingwa yagiye mu bikorwa byo gutanga za kontaro(contracts) ariko yabanje guhabwa za bitugukwaha(kick-backs).

Hari igihe yatanze isoko, ku i kampuni yo mu ishakoshi(briefcase company) yahimbye yuko ifite icyicaro

Nairobi, ryo kugemura ibikoresho muri perezidansi.

Nk’uko wakabitekereje iyo contract yagenze nabi igihugu kirahahombera amafaranga menshi. Kubera byo bikorwa bya corruption, Major Rudasingwa yashyikirijwe ubutabera, araburanishwa ariko aza uhanagurwaho icyaha kubera yuko habuze ibimenyetso bihagije, kandi mu by’ukuri ibyo bimenyetso byari bihari ariko Rudasingwa yarabaye inkwakuzi bihagije(smart enough) arabihisha.

Gerald Gahima

Gerald Gahima, cyimwe n’umuvandimwe we badahuje ababyeyi bombi(half brother) Theogene dasingwa, yari afite urukundo rukomeye cyane rw’amafaranga kandi azwi ho kuba yarakoraga buri cyose gishobotse ngo yigwizeho umutungo.

Igihe yari akiri Umushinjacyaha Mukuru yakoresheje umwanya we mu kazi kubona umwenda( a fat loan) wa miliyoni 72 kuva muri BACAR kandi ofisi ye yari mu gukorera iperereza iyo banki kubera ibyaha byo

kunyereza umutungo(fraud).

Iyo mikorere y’ububandi bwa Gahima yaje kujya ahagaragara ubwo byamenyekanaga yuko mu by’ukuri uwo mwenda atawufashe mu mazina ye ahubwo mu mazina ya nyina w’umuhinzi(peasant) ufite imyaka isaga 60.

Bibi kurushaho n’uko Gahima yanze kwishyura uwo mwenda. Kubera izo mpamvu n’iyindi myitwarire ye mibi, Gahima yategetswe kwegura kuva ku mwanya yariho wa visi perezida w’urukiko rw’ikirenga.Nta gitangaza rero yuko ubu Gahima ashakishwa n’ubutegetsi bwa Australia ngo asubize ibyaha ashinjwa bya fraud ijyanye n’ubukonsilita bwo mu ishakoshi(briefcase consultancy).

Muri kake rero n’uko nta n’umwe muri aba bagabo bane basohoye ya nyandiko yiswe “Rwanda Briefing” ufite ubunyangamugayo nibura na buke bwo kuba bwamwemerera kunenga leta iriho mu Rwanda. Inyandiko y’aba bantu uko ari bane rero igomba kwakiranwa amakenga kandi ntibe yahabwa agaciro.

Intego n’uburyo bakoresha

Inyandiko y’abo bantu bane bigometse kuri leta ifite intego nini eshatu. Iya mbere n’uko aba bantu ashaka kwiyubakira izina,banduje, baharabitse leta kuko yo igendera ku mahame meza bananiwe kugendana nayo.

Intego yabo ya kabiri n’uko batekereza yuko nibakomeza gusakuza leta yazabaha indi myanya ’ubutegetsi nk’inzira yo kubagura ngo baceceke. Iya gatatu n’uko abo bantu(fugitives) bifuza guteza umwuka mubi hagati y’abahutu n’abatutsi kugira ngo igihugu kinanirane gutegeka(ungovernable). Ni

nka byabindi bya “TURA TUGABANE NIWANGA TUJAJURE” !

Iyo nyandiko yabo usanga bari bagamije yuko igera ku bihugu bikomeye, bifuza yuko ibyo bihugu byahagarika ubutwererane byari bifitanye n’u Rwanda.

Iyi nyandiko yabo kandi yerekejwe(target) ku baturage b’u Rwanda, kugirango habe habaho bushyamirane bw’amoko(ethnic animosity) nka byabindi bya mbere y’I 1994 muri ya gahunda yabo yo gushaka yuko igihugu cyananirana gutegekeka.

…Ahanini iyo nyandiko yabo irimo gusa ibyo gushyushya umutwe aho ku gira ngo abayanditse bavuge impamo y’ibyo bazi ugasanga ahani inkomoko y’ibyo bandika ituruka ku bantu n’ubusanzwe bazi yuko banga u Rwanda.

Mu by’ukuri gushyushya imitwe nibyo byuzuye muri iyonyandiko yabo ! Iryo shyushya ry’imitwe ni nk’ibyo kuvuga za kudeta(coup d’etats), ngoindi jenoside, mu by’ukuri harimo ibintu utasanga mu nyandiko ifite ireme…….

Amatora y’inzego z’ibanze mu karere ka Ruhango araza kwivugana bamwe

Akarere ka Ruhango, ni akarere gakunze kuboneka mu myanya y’inyuma mu kwesa imihigo. Nyamara niakarere gakize, gateye neza ndetse gatuyemo abaturage bafite ubushake bwo gukora no kwiteza imbere. Gusa, gafite ikibazo cy’abantu bakabamo b’abanyamatiku, bahora bakavuyanga, bigatuma batabasha gushyira hamwe.

Amani Ntakandi

Akarere ka Ruhango, gafite ibikorwa bigaragara byatuma kadahora mu turere tuza ku mwanya wa nyuma karamutse gafite abakozi n’abayobozi bashyize hamwe kakesa imihigo kimwe n’utundi turere tuza ku isonga. Iyo muri aka karere humvikanye ibitagenda, usanga hari abanezerewe bakarara mu tubari bishimira ko akarere kabaye akanyuma ngo ubwo bikitirirwa Mayor wenyine nyamara bakirengagiza ko bose bibareba. Abazi Ruhango, bayizi nabi bitewe n’agatsiko gahora gashaka gusenya naho ubundi abaturage ntacyo batwaye.

Ubwo twaganiraga n’abaturage batashatse ko tubavuga amazina, batubwiye ko amatora ataha ya Nyobozi y’inzego z’ibanze bamwe bashakamo imyanya, araza kwivugana bamwe. Ubu abshyirwa mu majwi mu guhatanira umwanya wa Mayor, ni Madamu NIKUZE Denise ubu akaba ari Umuyobozi w’akarere wungirije ushinzwe imibereho myiza y’abaturage na Bwana Rusanganwa Théogène akaba ariwe Perezida w’inama njyanama y’akarere. Icyakora uyu mugabo ntahabwa amahirwe menshi, kuko igihe amaze ayobora njyanama y’akarere ntacyo yamaze uretse kubiba amatiku n’amacakubiri kandi akabikora mu buryo bwiyoberanije abenshi bakunze kumwita ikirumirahabiri ariko abaturage bakaba baramaze kumutahura. Naho Madamu Nikuze Denise, wibaza ko afite amagirwe biturutse ku gatsiko abamo ari nako kamufashije kuba ari mu mwanya arimo, ariyibagniza amahano akora atabereye abayobozi. Aha twatanga urugero rw’ukuntu yaciye igikuba mu gihugu ngo abantu batazwi baramunyuruje i Huye kandi ari amayeri yo kwanga guhura na bagenzi be bari bahanye gahunda yo kujya guhemba mugenzi wabo wabyaye. Ikindi kibazo avugwaho gikomeye, akaba arangwa n’ubuswa mu kazi ke, abantu bakibaza ukuntu yayobora akarere.

Urwego r’Umuvunyi ruvangirwa n’imikorere mibi y’abamwe mu bakozi bayo

Icyambere n’uko bikiza Bwana TWAGIRUMUKIZA Celestin ubu usanzwe ayobora akarere. Uyu mugabo urangwa no kutavugirwamo kandi wabangamiwe cyane kuva agitangira n’agatsiko, ni umukozi w’umuhanga kandi ukunda akazi kuburyo akijijwe ako gatsiko Ruhango n’abayituye yatera imbere. Bashatse kumwirenza kuva kera ariko Nyagasani akinga ukuboko. Ubu hagiyeho itsinda ryo gutesha umutwe Mayor rigizwe na bamwe mu bakozi b’akarere barimo NSANZEGAHONDOGO Gabriel, KABANO Charles, uwitwa THEOGENE Bagafatanya n’abaherutse kwirukanwa muri Komite nyobozi y’umuryango wa FPR y’akarere barimo MUGABO Seleman, Chantal (Umujyanama), Boniface ukora muri SONARWA I Muhanga, NSABIMANA Joseph, NDATIMANA Charles n’abandi tubagezaho ubutaha tumaze kubitohoza. Iri tsinda ririmo kwifashisha uwitwa NSENGIYUMVA Yusuf ukora ku rwego rw’umuvunyi kuko ariwe ubasha kuba yakora amaraporo y’amatiku bikumvikana. Uyu mugabo Yusuf abaye adakurikiranwe mu maguru mashya arasenya urwego rw’umuvunyi ndetse abaturage barukureho ikizere.

Ako gatsiko kifashishije rero abakozi bo ku rwego rw’umuvunyi, bakorera raporo igayisha Bwana TWAGIRUMUKIZA Celestin kugira ngo azakurweho ikizerem banafungishije uwitwa KALIMA Etienne ngo bamurega igwizamutungo ritemewe, afungwa mu buryo bubaje kuko yafunzwe adasurwa, ariko agejejwe mu rukiko rw’ibanze rwa Kacyiru, umucamanza avuga ko ari nta mpamvu n’imwe ikomeye igaragazwa n’ubushinjacyaha yatuma KALIMA Etienne acyekwaho icyaha cy’igwizamutungo ritemewe ko adakwiye gufungwa byaba iby’agateganyo cyangwa ukundi ndetse no kugira icyo agomba gutegekwa kubahiriza afunguwe. Bamaze kumva uyu mwanzuro wabashavuje kuko umugambi wari ubapfubanye, batashye baritsira.

Kalima Etienne urangwa no gucisha make kandi witangira akazi ke nkuko twabitangarijwe n’abamuzi neza, dore ko yabaye n’umusirikare akaba agaragaza discipline nk’iy’umusirikare mwiza, twaramwegereye ngo tumubaze amakuru cyane cyane dushaka kumenya icyo bamuziza, atubwira ko ari ntacyo abasha gutangariza abanyamakuru ngo kuko abona igisigaye ari ukumwica akavaho cyangwa agasezera ku kazi kuko amatiku ya bamwe mu banyaruhango amaze kuyahaga. Icyo yabashije kudutangariza, yaravuze ati “Natunguwe no kubona urwego rushinzwe kurenganura, abakozi barwo bifashishwa mukumpohotera aka kageni”. Icyiza n’uko inkiko z’u Rwanda zuzuza inshingano zazo neza kandi mu mucyo zidakorera ku iterabwoba.

Twamenye ko yigeze gufungwa nanone igihe yayoboraga umurenge wa Ruhango amara amezi 6 muri Gereza ya Muhanga aza gufungurwa Urukiko nabwo rumugize umwere kuko ibyo yaregwaga yarateraganwe, banga kumusubiza mu kazi kugeza ubwo komisiyo ishinzwe abakozi ba Leta ibasabye kumusubiza uburenganzira bwe barabyanga, ikibazo cye kiza gucyemurwa ari uko Guverineri w’intara abagiriye inama yo kubahiriza ibyemezo bya Komisiyo ishinzwe abakozi ba Leta. Aha bikaba biteye amakenga kw’ihohoterwa rikorerwa uyu mugabo.

Nk’uko twabitangarijwe n’abaturage bo mu Murenge wa Ruhango yayoboye mu gihe cy’imyaka itatu, baravuga ko icyo KALIMA azira ngo ari uko Mayor TWAGIRUMUKIZA Celestin ashobora kuziyamaraiza mu murenge ayobora bityo akaba yamwamamaza, usibye ko nabyo ari nta kuri kurimo.

Ku itariki ya 17/12/2010 ahangana mu ma saa sita, nibwo amabaruwa aturutse ku rwego rw’umuvunyi yageze ku karere aje kugasenya no kukazanamo ibyo bibazo byose, bahita hatumizwa inama idasanzwe hutihuti itagira urwandiko ruyihamagaza, ibi kandi bakabikora mu ibanga. Ibyari ku murongo w’ibyigwa n’ingingo imwe rukumbi yo kwirukana Mayor na KALIMA ngo kuko bagomba gushyira mu bikorwa ibyemezo by’umuvunyi. Umuntu akaba yakwibaza niba Urwego rw’Umuvunyi ruri hejuru y’amategeko. Ikindi abandi bibajije, n’ukuntu bahurujwe no kwirukana aba bagabo, nyamara nta narimwe bigeze bahururira gukemura ikibazo cy’umurenge wa Kabagari umaze amezi agera ku munani hakora Exécutif w’Umurenge wenyine atagira abakozi bamwunganira kandi bateganywa n’amategeko.

Inama Njyanama y’akarere ka Ruhango igizwe n’abantu ahanini b’abayobozi b’ibigo by’amashuri n’abarimu, ubu barimo kwishakiramo imyanya cyangwa iy’abagore babo. Bahora yishakira inyungu zabo aho gushaka inyungu z’abaturage. Amakuru yizewe dufite, n’uko komisiyo ishinzwe recrutement ikuriwe na NDAYISABA Edison ubu wakuwe ku mwanya w’ubuyobozi bw’urwunge rw’amashuri rwa Munini kuko atabifitiye ubushobozi, batanze ikizamini maze umugore we abona 49,5/50, umugore wa Ribanje umunyamabanga njyana y’akarere agira 49/50, umujyanama RWUMBUGUZA Jean bamuha 48/50 abatazwi cyangwa badashaka babaha 0;1;5 nimubereho namwe iyo mikorere. Harimo n’bandi ngo bifuza imirenge n’indi mirimo yo mu karere. N’ukubikurikiranira hafi. Ariko by’umwiharikoku kibazo cya NDAYISABA Edison ukoresha umugore we ikizamini ngo ahabwe akazi ka Leta gikwiye gukurikiranwa kuko ari agahomamunwa. Biranababaje kubona umuntu nkuriya utaragera kuri niveau ya A0 ahabwa ububasha bwo guha ibizami abamurusha niveau.

Kuwa 18/12/2010, abajyanama bose nta numwe wasibye bitabiriyeicyo gikorwa kigaragaramo ubugambanyi burenze kamere, bashingira ku mabaruwa yaturutse ku rwego rw’umuvunyi, biga kuri bariya bagabo bombi, ariko bababuraho icyaha, hanyuma bafata umwanzuro ko Mayor akuweho icyizere naho KALIMA Etienne agahagarikwa ku kazi igihe cy’amezi atatu. Icyo gihano yahawe usibye ko nta n’ingingo y’itegeko igiteganya nta n’icyaha cyangwa amakosa bamushinja yatuma ahagarikwa ku murimo. Ibi bikaba bigaragaza wa mugambi bafite wo kumwigizayo. Ababikurikiranira hafi ngo ashatse yagaruka amatora yo mu nzego z’ibanze arangiye. Icyo abanyaruhango bibaza ni iyo mikorere idahwitse, irimo kurenganya n’ubugome kuko harimo n’abibaza icyo Kalima agishaka muri kariya kazi kuko bashobora no kukamutsindamo. Yabonye integuza ariko ntashaka kuva kwizima.yakorewe utudosiye twinshi tumwe tumujyana muri gereza,utundi tugapfira mu iperereza ariko noneho iyo kurwego rw’umuvunyi ni rurangiza kuko abantu batumva impamvu urwego rurenganura arirwo ritangiye kurenganya. Umuvunyi mukuru agomba kuba maso kuko uwitwa Nsengiyumva Yousouf araza guhesha isura mbi uru rwego. Urwego rw’umuvunyi rurashaka kujya hejuru y’amategeko? Bahawe ububasha bwo kugenza ibyaha none bigerekeyeho gushinja no gufasha ibyemezo bifunga kandi twari tuzi ko biri mu bubasha bw’inkiko.

Abakozi bo ku rwego rw’umuvunyi,nibareke gukoreshwa n’agatsiko kagamije gusenya Ruhango bakore nk’urwego rwumva impande zose mu gihe haba hari ikibazo basabwa gukurikirana aho kubogama. Bitabaye ibyo narwo ruraza gushinjwa ibyaha bya ruswa kuko batangiye kurukemanga bitewe n’iyo mikorere ya NSENGIYUMVA Yusuf na bagenzi be.

Ubutaha tuzabagezaho imikorere y’agatsiko gasenya Ruhango muri iki gihe kitegura amatora y’inzego z’ibanze n’ingamba abakagize bafite yo kwigabanya imyanya nk’uko umwe mubakagize ukorana nako utarashatse kumenyekana ariko wiyemeje kukarwanya akarimo yabidusezeranije.

Birababaje kubona icyemezo cy’Urukiko rwemeje mu ruhame ko nta mpamvu zikomeye zihari ubushinja cyaha bwagaragarije urukiko zituma Kalima Etienne akekwaho icyaha cy’igwizamutungo ritemewe, muri urwo rubanza rwahise rutegeka ko Kalima Etienne ahita arekurwa icyemezo kikimara gusomwa ariko urwego rw’Umuvunyi rwasuzuguye icyo cyemezo cy’urukiko rwandikira njyanama y’Akarere ka Ruhango ko yahagarikwa ku kazi ntazindi mpamvu bagaragaje.

Igitero cyo kubohora INGABIRE Victoire ku ngoyi

-Gereza nkuru ya Kigali mu rugo rw’abanyepolitiki

-Indaki ya gisilikare murugo kwa Ingabire Victoire

-Abiyise abayoboke b’Imberakuri baherutse gusura NTAGANDA, gereza irabyanga bisurira MUSHAYIDI barataha.


Burasa J.Gualbert


Amakuru yizewe ava mu nzego z’iperereza za Uganda tugitohoza aravuga ko muri icyo gihugu cy’abaturanyi hamaze iminsi hari umugambi ucurwa n’abahunze ubutegetsi bwa KAGAME wo kubohora ku ngoyi INGAGIRE Victoire umuyobozi wa FDU Inkingi wafashwe ku wa 14 Ukwakira 2010, ashinjwa gushinga umutwe w’iterabwoba CDF(Coalition of Defences Forces) afatanyije na Major UWUMUREMYI Vital, wahoze mungabo za FDLR wafatiwe ku mupaka wa Congo n’ u Rwanda ,nawe ufungiye muri gereza nkuru ya Kigali. Uri ku isonga muri icyo gitero cyo kubohora INGABIRE Victoire ni, Major Dr. RUDASINGWA Theogene afatanyije na Major FURUMA Alphonse na Col KAREGEYA

Patrick bahoze ari Inkotanyi z’amarere, ubu bakaba barahunze ubutegetsi bita ubwa KAGAME, bamwe muri aba mu ihunga ryabo, bakaba baranyuze muri Uganda aho babaye igihe kirekire mu buhunzi, ndetse bakaba baranabaye mu ngabo za Uganda mbere yuko bashing umutwe RPA waje kubohora u Rwanda.

Major Dr. RUDASINGWA Theogene, ngo arasanga umuntu nka INGABIRE Victoire umuyobozi

w’Ishyaka ritavuga rumwe na Leta, urwanira demokarasi mu Rwanda adakwiriye gufungwa bene kari kageni. Dr. RUDASINGWA wigeze kuba Umunyamabanga nshingwabikorwa wa FPR Inkotanyi, akaba

kandi Ambasaderi muri Amerika, ndetse akaza kuba n’Umuyobozi mukuru w’ibiro bya Perezida

KAGAME,bavuga ko kuza muri FPR kwari u k u m u k u r u r a m u k i z i r i k o , y a j e g u f u n g w a

kubera akaboko k a r e k a r e , k a n di yaragiriwe inama inshuro nyinshi zo kwirinda imyitwarire mibi ’ako k a b o k o karekare,aho ku b i r e k a ati ndahunze, mpunze igitugu cya Kagame, ubu ar a h a m a g a r i r a abantu kurwanya K A G A M E kugeza babohoye INGABIRE Victoire, ngo n’abandi b a n y e p o l i t i k e bafungiye ibitekerezo byabo. Ibi RUDASINGWA Theogene n’abo bafatanyije barimo Lt. Gen KAYUMBA Nyamwasa na mukuru we GAHIMA Gerard babivuze aho urukiko rwangiye ko Madamu

INGABIRE afungurwa agakurikiranwa ari hanze, kuko ruvuga ko afunguwe yakomeza ibikorwa bye by’iterabwoba. RUDASINGWA akaba avuga ko INGABIRE adakorana n’imitwe yitwaje intwaro ko

ahubwo ari impirimbanyi ya demokarasi. RUDASINGWA akaba avuga ko ukurikije uko politiki

y’u Rwanda imeze muri iki gihe, ko ubutabera butigenga, akaba asanga INGABIRE afite

amahirwe macye yo guhabwa ubutabera bumurenganura.

Ndetse n o mu gihe urubanza r w a b a rugiye mu mizi cyangwa mu bujurire asanga ntacyo bizatanga,

akaba ariyo mpamvu biyemeje kumubohoza ku ngufu. Hagati aho kuya 03 Ugushyingo 2010, murugo

kwa Ingabire Victoire, mu Murenge wa Remera mu mudugudu w’Ubumwe aho bita ku gishushu

polisi, parike bafatanyije n ’ u m u t a n g a b u h a m y a wakoraga kwa Ingabire, batahuye icyobo gifite metero eshatu z’ubugari na metero eshanu z,uburebure n,ebyiri z’ubujyakuzimu gikoze mu nyuguti ya(L) gishasheho imbaho kikoroswaho shiting, gikoreshwa mubikorwa bya gisirikare, ibyo bita INDAKI,nkuko bitangazwa n’umushinjacyaha ufite dosiye ya Ingabire, Ruberwa Bonavanture. Ruberwa yanatangaje ko

hagiye kubazwa ibyicyo cyobo, abayoboke bagera kuri 4 ba FDUInkingi, bafatiwe murugo rwa Ingabire, barimo Sylivin Sibomana umunyamabanga mukuru w’ishyaka ,Alice umubitsi n’umushoferi witwa Nolbert ngo ibi bikaba biri murwego rw’iperereza kuri ibyo bikorwa bya gisirikare byakorerwaga kwa Ingabire Victoire, bigamije guhungabanya umutekano w’igihugu ari nabyo afungiwe.

Ababiri inyuma ngo ni abo mu mutwe wa FDLR usanzwe ukorana na Ingabire,kugeza ubu ariko amakuru atugeraho aravugako abari batawe muriyombi barekuwe nyuma yo kubazwa ngo bakaba bemeza ko icyo cyobo ari icyubakiwe gutega amazi, polisi ikaba igikora iperereza kubyihishe inyuma yiyo ndaki.

Muri gereza nkuru ya Kigali urugo rw’abanyepolitiki bo muri opposition Ntakirutinka Charles wabaye

perezida wa PSD akaza guhitamo inzira y,amacakubiri agashinga PDR-Ubuyanja afatanyije na Bizimungu pasteur,Ladislas wari warihinduye maneko nyuma akaza guhabwa umwanya muri

RRA,Bugingo w,i gikondo n,abandi….Ntakirutinka wakatiwe imyaka icumi y,igifungo akaba ashigaje

umwaka umwe n,igice yahoze mu cyumba cye wenyine, nyuma aza kubona Kalisa Alfred wayoboraga BCDI, mu minsi ishize aba asabye imbabazi amusigamo, none ubu Ntakirutinka yamaze gushyirwa

mu cyumba cyahozemo Pasiteri BIZIMUNGU ,aho ariko nyuma akagirwa inama yo kujyana ibibazo bye ku buyobozi bwa gereza, ubu na nyina akaba amugemurira buri munsi yarahawe icyemezo gihoraho cyo kugemura buri munsi. Icyakora ku wa gatanu bagenzi be baherutse kumusura, gereza irabyanga bisurira MUSHAYIDI barataha...